Informazions e pacuts turistics
Vivi Friuli Doc e je ancje une ocasion plui che buine par scuvierzi Udin, citât elegante e conviviâl.
O restarês inmagâts des sôs placis, tinei a cîl viert rafinâts e une vore frecuentâts, dai siei palaçs antîcs, des oparis di Giambattista Tiepolo che culì al à fat lavôrs di une bielece emozionante.
Ma Udin e je ancje une citât dulà fâ compris tes bielis buteghis dal centri e tes ostariis tipichis dulà concedisi il rituâl dut furlan dal taiut, un tace di vin bevude in compagnie.
Cu la FVGCard o podarês scuvierzi dute la regjon: des sugjestions langobardis di Cividât (il tren Udin-Cividât al è dentri te cjarte) aes atmosferis mitteleuropeanis di Triest, des ruvinis inmagantis di ete romane de biele Aquilee ae perfezion gjeometriche di Palme e tant altri ancjemò.
Se, dopo Friuli Doc, o volês gustâ i plats tipics de enogastronomie furlane sul nestri teritori, o podarês vivi une esperience pe bocje di no podê dismenteâ in graciis de Strada del Vino e dei Sapori, che e cjape dentri ristorants, tratoriis, ostariis cun cusine e agriturisims.
Cui che, invezit, al à miôr scuvierzi lis mil musis dal Friûl - Vignesie Julie, des splazis aes monts maraveosis, passant pes culinis verdis, o ben al vûl esplorâ la regjon in biciclete, al pues cjatâ i Club di prodot che si adatin miôr ai siei desideris, sielzint tra chei proponûts di PromoTurismoFVG.
Par informazions in citât:
Pont di Informazion e Acet Turistic PromoTurismoFVG
Place Prin di Mai, 7
33100 Udin
Tel: 0432 295972
Email: Questo indirizzo email è protetto dagli spambots. È necessario abilitare JavaScript per vederlo.
