Cultura, tradizioni ed enogastronomia a Udine. Vivi l'esperienza Friuli DOC per conoscere il territorio e le sue eccellenze. Udine 8-11 settembre 2016

25e Edizion - Friuli DOC 2019

Al è un mût par discuvierzi il Friûl Vignesie Julie, piçule regjon cjapade dentri tra mârs e monts, cenglade di dolcis culinis verdis e cuei dorâts dai vignâi, al confin cun Austrie e Slovenie.

FRIULI DOC: vins –vivandis – vicendis - viodudis

Dai 12 ai 15 Setembar dal 2019.

Par cuatri dîs Udin e devente une vetrine par presentâ e par fâ cognossi il miôr de produzion enogastronomiche e artesanâl, artistiche e culturâl di une regjon pardabon uniche.

Tancj e sorprendents a son i ponts principâi di un program pardabon siôr: intai stands e intai barachins, intes placis e intes viis dal centri, si puedin cerçâ i prodots tipics furlans, tant che il persut di Sant Denêl e chel di Sauris, il formadi Montâs, il frico, i cjarsons, i vins, lis sgnapis e tancj altris prodots.

La ocasion golose di cerçâ i tesaurs de enogastronomie furlane si pee a apontaments di no pierdi, cun mostris, spetacui, cunvignis, esposizions artistichis e produzions artesanâls, simpri intal rispiet des tradizions locâls plui antighis.

Un viaç intal gust e intai savôrs plui tratîfs dal Friûl Vignesie Julie, pardabon une misture di vins, vivandis, vicendis e viodudis par cognossi ogni aspiet di cheste tiere siore e ospitâl.

In doi o trê dîs si inamorisi di Udin, e lassâle al devente dificil. Ma nuie pôre: si pues simpri tornâ, magari pal prossim FRIULI DOC!

EDIZIONS PASSADIS

1995 – Viodudis dal Friûl
1996 – Udin citât dai Tiepolo
1997 – Cjampfuarmit 1797: une firme di pâs fra Stâts; Udin
1997 – Une fieste di pâs tra i popui
1998 – Il Votcent furlan: lis lidrîs dal vuê
1999 – Cjaladis sul Friûl dal '900
2000 – Friûl: di tiere di passaç a tiere di ospitalitât
2001 – Friuli Doc al vîf la amicizie: identitâts diviersis par un futûr comun
2002 – Ricostruî, riconvertî, ricualificâ… tornant a afermâ la cualitât dal vivi!
2003 – Cerçâ il timp
2004 – 10 agns di Friuli Doc

Dal 2005, la Aministrazion Comunâl, in colaborazion cun Turismo FVG, e dediche ogni edizion a une part dal teritori de nestre Regjon, ufrint cussì une visibilitât impuartante e une ocasion par fâsi cognossi:

2005 – Int di Cjargne
2006 – Il Tarvisian
2007 – Cuei, Cjistiei e Int di Confin. Un Teritori Incjantât tra Vals dal Nadison, de Tor e Cividât
2008 – Dolcis Tieris Antighis dal Friûl Culinâr
2009 – Riviere furlane, ancure dal teritori
2010 – Tiere di Gravis e di Risultivis
2011 – Tiere dai Patriarcjis

Dal 2012, la Aministrazion Comunâl, in colaborazion cu la ERSA – Agjenzie Regjonâl pal disvilup rurâl, e dediche ogni edizion a un prodot dal teritori de nestre Regjon, ufrint cussì une oportunitât par fâ cognossi i prodots tipics.

2012 - La Fieste e cjape forme (Il Formadi)
2013 – Storiis di vît e di vin
2014 – 20 agns di Friuli Doc
2015 – Cuant che il mangjâ al svicine il mont
2016 – Savês di îr, savôrs di doman
2017 – Un spetacul par ogni sens

Questo sito si avvale di cookie tecnici, di cookie analitici e di altri cookie, anche di terze parti, necessari per il funzionamento, per interagire con social network e per usufruire di servizi offerti dal sito. Chiudendo questo banner o accedendo a un'altra pagina del sito acconsenti all’uso dei cookie. Se vuoi saperne di più o negare il consenso a tutti o ad alcuni cookie, consulta la cookie policy. Leggi la nostra Informativa estesa per saperne di più.

#FriuliDoc25